冬菇雲耳滑雞蒸飯 Mushroom, Fungus and Chicken Stream Rice

料：冬菇八隻(用香菇仲香，不過屋企冇)。雲耳適量。去核紅棗六粒。巴西雞髀扒一塊11.9(改用黃油鮮雞半隻正好多，不過我貪雪雞髀扒啖啖肉又易處理又平)。米一杯半(米起決定作用，要用你熟悉果隻米，知道米水要落幾多)。薑、葱、指天椒、煲仔飯豉油適量。

準備：

1 冬菇浸水洗淨，再用清水浸至軟身(冬菇水留用)。

2 雲耳、紅棗洗淨浸軟。

3 雞扒解凍後剪成大塊，落薑蓉、豉油、酒、胡椒粉、糖調味，加生粉、油醃一小時。

4 冬菇、雲耳浸軟後榨乾水，剪絲、剪半隨意。落豉油、糖、酒、油撈勻。紅棗剪粒備用。

做：

1 用大瓦砵一個，落米、水(用冬菇水代清水)。先放入冬菇、雲耳、薑絲大火蒸。15分鐘後就變成咁樣。

2 再加入雞件、剪碎既紅棗，再蒸12分鐘後就變成咁樣。

3 熄火局5分鐘。蒸好後落葱粒、椒絲。再淋上豉油熟油即可享用。