花生麵筋炆豬皮

呢個炆豬皮係參考陳榮師傅《入廚三十年》第七冊「花生炆豬皮」整既。我加多左一舊麵筋。

料：花生四兩3元。豬皮兩塊15元。麵筋一舊7元。南乳、陳皮、蒜頭、薑適量。

準備：

1 花生洗淨備用。

2 豬皮剪成長方小塊過水洗淨備用。

3 麵筋切片每片再剪開一半。

做法：

1 用大瓦煲爆香薑片、蒜頭、南乳。

2 落花生、麵筋，加兩碗水先炆一陣。

3 落埋豬皮，落蠔油、酒、糖、老抽、鹽，加水再炆至豬皮花生腍身。

4 埋獻，稍為收汁，轉落乾淨瓦煲仔上桌。