清炒黑白雙煞 [雲耳清炒椰菜花]

今日街市菜檔椰菜花好新鮮，即刻買左一個，6元。

番屋企本來諗住就咁清炒，開雪櫃見到包雲耳，於是黎個「黑白雙煞」啦！

做法：

1 雲耳洗淨浸軟，用酒、糖、生抽、鹽、蠔油、雞粉、油醃透備用。

2 椰菜花切碎，洗淨，用輕鹽水浸一陣備用。

3 燒滾一煲水，落油，落椰菜花白灼一會撈起，瀝乾水。

4 薑起油鑊，落雲耳爆炒，贊水加蓋炆煮一陣(時間視個人喜好雲耳爽或腍而定)

5 落椰菜花，蒜片，椒絲，贊少少酒、水再炒，加蓋局一陣，收汁即可上碟。

呢個清炒黑白雙煞，質感、滋味都好夾，幾正架！