臘味蒸糯米飯

臘味糯米飯好有風味架，慢慢咀嚼，真係齒頰留香。總之係少食多滋味啦！

響安記買既本地肝腸、臘腸各一條，檔口本地臘肉一截。糯米三碗。蝦米、冬菇、中芹、蔥適量。

糯米浸過夜，瀝乾水備用。蝦米、冬菇浸水。臘腸、臘肉洗淨。

用個蒸兜，上面放塊毛巾，倒入糯米，隔水大火先蒸10分鐘。蒸既過程中，可以適量洒水入飯面。10分鐘後，放入臘腸臘肉，再蒸10分鐘。

蝦米、冬菇、中芹爆香備用。

臘腸臘肉取出切片，放回飯面，加入蝦米、冬菇、中芹局一陣。

搞掂啦。撈勻飯同料，上碟，落少少煲仔飯豉油，洒上蔥粒，即可享用。