呢個菜我覺得唔錯，椰菜同肉排都幾夾架。
青椰菜一個十元有找，肉排一包其實可以唔買咁多，買二十元就可以。
我既做法如下：
一、切菜洗菜，瀝水備用。
二、肉排出水，洗淨，除碎骨備用。
三、薑片四五片(煮椰菜落多片薑)。
四、指天椒兩隻切粒。
五、開始煮：
1) 先炆排骨。燒熱鑊，落油，薑片，落肉排爆香，爆至表面微金黃色。
2) 贊水落鑊，落調味，將肉排炆煮至收汁，開始腍身，兜起。
3) 再炒椰菜：洗鑊，再燒熱鑊，落油，薑片，落椰菜，贊水、紹酒，炒勻煮一陣。
4) 肉排連汁回鑊，同椰菜一齊煮至腍身。
5) 灑少少紅椒粒整色水(怕辣可以唔落)，兜勻上碟。
椰菜要腍身先好食，煮的菜式可以多少少汁液，都算可以掛？
哇哇 肥哥哥 你地家人 只係你煮啊 佢地真係有福啦 呢味我好想整 不過我老公唔中意炒既餸架 來來去去都係蒸啦 烚啦咁咋 所以我煮唔到呢d架 哇哇 你個blog有幾佰人瀏覽啊 即係多人睇啦 係唔係
回覆刪除唔係呀，我阿媽先係家中大廚。我淨係星期六或者星期日上晝先煮野食。平時要返工。你先生一定係食得健康之人，蒸同烚少油健康呀。
回覆刪除