買左兩個「老虎壺」，見佢外形肥都都都幾可愛，又鍾意佢蓋頂出水掣同個柄既設計。
一個1.2公升，一個1.6公升。
買既過程令我又一次覺得而家服務業人員既水平真係幾有問題。
補記：網友問我係咩問題呀，其實係我「要求高」啦。係咁既：
本來買兩個壺好簡單，響第一間百貨公司就有，不過我想買一個黑色頂一個白色頂，好似而家相中咁樣，因為見到貨辦有。但係貨架上就只有黑色頂的新貨，我問第一個售貨哥仔，佢回答係冇白色頂喇，得番黑色頂。於是我只係買左一個細壺1.2公升，即係相中黑色頂的一個。
番到屋企心思思想買多個大一個碼1.6公升的，可以一個用黎裝茶，一個用黎裝水。於是走去屋企附近一間XX城，見到陳列架上有兩個貨辦，一個係1.6公升，一個係2公升，都係黑色頂的。我問位售貨哥仔，「呢個幾錢呀，有冇貨呀」，佢請櫃位掃瞄barcode，報了價，走左去取貨，過左幾分鐘，出黎話「冇貨」。我問，「咁另外果個呢，有冇貨呀」，佢又走左去貨倉，又過左唔知幾分鐘，出黎又話「冇貨」。我當時就忍唔住扯火，講左句「冇貨就唔好擺出黎啦，晒時間！」就走左。冇貨但係貨辦照擺，售貨員又唔知，係我遇到好多次既情況，你話係咪有問題？定我有問題？
仲未講完，話說番到屋企都係心思思，於是第二日走番去第一問百貨公司諗住買多一個1.6公升既，我知佢有貨，一定買到。去到貨架，當時有另一位售貨哥仔，我話想買「呢個壺」，手中拎起既係白頂的貨辦。呢位哥仔話「呢度全部係黑頂，我幫你入倉睇下有冇白頂」，過左幾分鐘，佢真係拎左個全新白頂出黎話「有貨！」我當時心中真係不停咁讚佢，呢D先係基本既服務態度。琴日第一個售貨哥仔倉都唔入又唔幫我ckeck就話冇，你話係咪有問題？定我有問題？
咩問題啊肥哥哥 嘻嘻 呢d壺啊 好保溫架 幾錢啊 仲有呀 得閒嚟睇下我個blog呀 又整包包啊
回覆刪除細果個298，大果個348。比較貴，但係設計同外形我都鍾意。咩事一陣我補寫一下。去睇下你的包包先。
回覆刪除唔唔 比我一樣係你既反應 真係睇你遇唔遇到d係有心機做野既人 我覺得你絕冇問題 你講得岩 冇既 你地仲令出嚟放喺度仲咩啊 裝飾嗎 比我就會問佢地啦 好似我有次買鞋 我自己點會唔知自己著幾多號呀 我同佢講 7至8號啦 佢就睇都唔睇話冇呀 仲話得番6號 係個架叫我自己令嚟試 哈哈哈 真係唔知佢諗咩 定懶呀 唔想入倉令 唉 之後我望住佢話 你唔想做就唔好做啦 之後我就走佐啦
回覆刪除不過好奇怪架有時 去百記買野啦 我好多次試過個價錢同收銀台打既係唔一樣架 一定要睇清楚啊 有時會多幾元 我都試過啊 佢地唔係一早set好架咩
回覆刪除唉，總之而家平民服務業既水平真係江河日下。
回覆刪除而家做野好求其。
回覆刪除肥哥哥 你得閒去睇下我個blog呀 我買佐包日本粉做包包啊
回覆刪除