蝦皮清炒苦瓜 Stir-fried Bitter Melon With Small Dried Shrimps

去街市買左兩隻大丁苦瓜，一隻深色，一隻淺色D。檔口大叔話淺色係因為曬唔到太陽，深色就係曬足太陽。我問有冇唔同，佢話冇。

兩隻色炒出黎有D深淺，效果應該好D掛。屋企有人鍾意食苦既苦瓜，有人又要食唔太苦既苦瓜，於是靈機一觸，將一隻淺色苦瓜用鹽醃去苦味，另一隻深色苦瓜就只係用清水浸一陣，專登唔去苦味。炒埋一碟，苦味就有濃有淡啦。

苦瓜切斜片，同薑、蒜炒，贊水、酒，炒至腍度岩自己口味就可以，我鍾意食爽口D，就唔炒咁耐。

屋企仲有包細蝦皮，於是用黎清炒苦瓜。蝦皮要先浸洗乾淨去砂同雜質，再爆香，然後回鑊。

最後落少少紅椒絲，炒均上碟。

蝦皮令苦瓜味道豐富左，效果都唔錯。