蒸牛肉球 Steamed Minced Beef Balls

呢碟蒸牛肉球個樣都唔錯掛？雖然食落仍然唔夠茶樓出品咁彈牙咁滑，但係都可以接受啦，而且冇落肥豬肉，健康D。

響平民超市買左包澳洲免治牛肉，落左：陳皮絲、葱頭絲、葱粒、薑汁、水、紹酒、鹽、糖、豉油、鬆肉粉、胡椒粉，仲有最特別既係馬蹄粉（唔買馬蹄費事整，屋企有馬蹄粉就落黎試下。

將所有材料攪勻，再撻呀撻，撻至起膠，再將佢放入雪櫃雪一個鐘以上。然後整成球狀，放入蒸片上，用大火蒸七分鐘。

蒸好之後就係咁樣，上碟後可以點喼汁食。味道都幾似茶樓既牛肉球架，口感就差少少！自家製都可以啦！

個樣似唔似茶樓牛肉球？加埋鮮竹或者西洋菜墊底就更好！

一舊已經可以送一碗飯！ 呢款澳洲免治牛肉用既肉都幾肥，食兩舊已經覺得膩，搓牛肉時都搓到成手牛油！