街市豆腐又加左價喇，而家要四元塊。買左兩塊，再買十元鯪魚膠。加埋蝦米、少少陳皮同葱，又整老少平安。見材料好多，於是分成兩半，一半用黎蒸，一半就做左呢碟煎老少平安豆腐。唯一唔同就係煎呢碟落左粟粉。
陳皮蝦米浸好剪碎，加少少薑粒、胡椒粉，同埋魚膠搓入豆腐中，調味，放入雪櫃雪一個鐘。
燒熱鑊，放少少油，將豆腐一份份放入壓成餅狀，用中火煎至兩面金黃色即可。
最後埋個喼汁獻，稍煮一煮至收汁，上碟！
煎老少平安豆腐餅，外面香而有咬勁，裏面軟滑。有益、美味又便宜，久唔久轉下口味同做法，都唔錯架！
我次次都系蒸架味=..=' 煎會唔會好易散開呢?? 點解你次次D餸都咁好味,睇到我好肚餓芽 >.<"
回覆刪除我落多左粟粉，再放入雪櫃雪實少少先煎。煎用易潔鑊，放入去之後唔好咁快鏟佢，煎好一邊再煎另一邊，就係咁樣，唔會散開架。
刪除作者已經移除這則留言。
回覆刪除嘩！李派林喼汁，好耐冇食過了................
回覆刪除我好讚同莎莉小廚房講，點解你次次D餸都咁好味！！！
我以前好鐘意食呢隻喼汁，不過依家總覺得個味，以經唔用舊日味道咁好。
喼汁煮熱打獻又幾好味喎，冇咁酸。
刪除多謝你讚賞呀，其實你地都冇得食，點知好唔好味呢:)
半日安...肥哉佢成日都整到我流口水架=..=' 搞到我成日都要抹地...卡卡卡~~
刪除好多謝你鼓勵呀，自從轉左黎呢度，我都少左POST野，好在有你地支持。
刪除查十呢...我唔系太喜歡睇果D好出名嘅blogger,有時感覺上佢地出左名,又好似買廣告咁...嗯...我都唔G點廣,反而睇番肥哉或者日安嘅blog比較看得舒服就是了 ^_^
刪除