鐵羅漢與水仙種泡茶 Two Boxes Of Chinese Tea

裕華而家做緊盤點大減價，去行左一轉，見到瓷器部賣舊日用瓷，巨型青花魚碟賣180元，佢話原價310元，不過我冇買到。走左落地庫，買左兩盒泡茶，不過冇減價！要60元一盒。

一盒「水仙種」、一盒「鐵羅漢」。廈門出品，鐵盒彩繪山水包裝，貪佢夠「娘」，呢種風格有懷舊feel，不出幾年睇怕會買少見少。

每盒內有12小包，包得好骨子架！



每包5元，打開呢包係鐵羅漢，就係咁樣。 

即刻煲水泡一包，攞番我珍藏既黑萬花蓋碗嗒真下味道！我沖左三四次都係茶一碗，都預左冇咩驚喜。