豆卜雲耳炆豬肉 Braised Deep Fried Bean Curd With Black Fungus And Pork

豆製食品一向都俾人又平又有營養既感覺。不過而家價錢一直提升緊，而家豆卜要賣8元4兩，即係32元斤。

今日就買左四兩，加埋屋企買落既雲耳仔，一齊炆脢頭豬肉。

用南乳、薑片起鑊，先爆香已預先醃好既豬肉。再加入已浸透既雲耳，加水炆至豬肉夠腍。最後加埋已浸水渣水幾次既豆卜，三樣一齊再炆。

炆到自己鍾意既腍度，埋獻就食得。最後上枱開飯食清光先醒起唔記得落紅蘿蔔片整色水！