荷蘭豆炒牛肉 Stir-Fried Snow Peas With Sliced Beef

街市幾個檔口都賣大大隻既荷蘭豆，食得菜多，今日轉轉口味。

大荷蘭豆8元斤，買左一斤，呢碟只用左一半。 再買舊牛肉，要36元，不過我都係用左一半！

荷蘭豆洗淨，一定要搣左韌既絲。牛肉切好，醃好放入雪櫃等入味。



先燒熱鑊落薑片爆炒荷蘭豆，贊酒大火炒香即兜起，唔駛炒熟。

再落油爆炒牛肉，炒至七成熟時將荷蘭豆回鑊，落埋紅蘿蔔片大火再炒。





埋獻收汁即可上碟，荷蘭豆會碟上熟，呢碟送要趁熱開飯享用！起初仲驚大既荷蘭豆會老，但係食落冇渣，正！