蘭度炒斑球 Stir-Fried Garoupa Fillet With Chinese Kale Stem

惠康黎左一批越南石斑肉，一包有五片，買左一包試下，唔錯！石斑柳始終好過龍利，好過鯰魚好多好多！

用三至四片已經可以炒出一大碟，呢包可以食兩餐。今次用黎炒蘭度。

石斑切塊，索乾水，用鹽、紹酒醃夠時間，再撲上粟粉，泡油至熟，撈起備用。

燒熱鑊，落油，落薑片，爆炒蘭度，贊水，加鹽、糖。將蘭度炒熟。

斑球回鑊大火快炒，埋獻收汁上碟。石斑啖啖肉，鮮美有魚味，帶皮有咬勁，蘭度爽脆，正！