買咗成大疊燒賣皮，包完豬肉燒賣，點少得包埋牛肉燒賣吖，今日包咗八隻，仲有一大疊燒賣皮用唔完！
牛肉燒賣唔係純正牛肉，要加入肥豬肉先好食，我仲加入少少鯪魚膠，落埋陳皮，芫茜，葱。
免治牛肉先調味，我落咗：蒸魚豉油、鹽、糖、粟粉、梳打粉、雞粉。混入陳皮、芫茜、葱粒。加油、酒、清水，將所有材料攪勻，再撻佢三十下，放入雪櫃雪十幾分鐘。
今次唔整咁多，包八隻算數，啲料用唔晒留返蒸牛肉餅。大火計蒸五六分鐘就搞掂。
加咗梳打粉同撻過嘅牛肉，就係酒樓風味，比較滑、彈。一出籠唔使三分鐘就冇晒啦！
***敬請留言 Comments welcome***
沒有留言:
張貼留言