外賣牛筋腩飯 Take Away Beef Tendon And Brisket With Rice

今日唔得閒煮飯，去街市麵檔買外賣。44元一盒牛筋牛腩飯。

呢檔嘅牛筋麵、牛腩麵做得唔錯。通常呢類麵檔都會賣埋飯，例如牛腩飯、牛什飯、豬手飯或雙拼飯等等。

分量都好多，一盒飯其實有成三碗。女士食一碗已夠晒有餘，中年男士如果食得晒成盒，九成係個大肚腩肥佬。牛腩其實好肥膩，食完個喉嚨成日都覺得有油黐住！

麵檔牛腩飯如果只係以鹵水腩湯代替正式炆牛腩的濃滑獻汁，效果不會好。例如我買呢盒，腩汁(即腩湯)浸到成盒飯濕晒，稍為加熱兜兩兜，飯已爛，不好吃。