魚露蝦子柚皮

今日終於整左個沙田柚皮黎食喇！

柚皮兩日前已削青、浸水、過水，琴日用魚露水浸左一日。

另外要準備個炆柚皮既湯底：我用白蘿蔔同大地魚乾。

做法：

1 起油鑊至夠熱，落大地魚乾四片，炸至金黃色香脆，撈起攤凍，再中碎成粉。

2 燒鑊，落油薑爆一爆柚皮，炆煮一陣。

3 湯底：用瓦煲燒滾水，落蘿蔔同大地魚粉，煲至出味。

4 正式炆柚皮喇：將柚皮落鑊，然後將湯過濾入鑊，浸過柚皮，用中慢火炆煮柚皮至湯汁減至只餘約三分一，落少少靚老抽。

5 炆至開始收汁，落蝦子煮一陣，再落少少中芹粒上碟。

6 在鑊內推一個濃獻(生粉、蠔油)，淋落柚皮面即成。

呢個柚皮功夫雖多，不過真係好好味呀，淨係食佢都送到好多碗飯！！