咖喱薯仔炆雞翼 Braised Curry Chicken Wings with Potato

食完而家個口仲有陣陣辣感！

整左一大煲，要分兩餐食。材料：美國急凍雞中翼一大包(14隻)，薯仔四個，番茄四個，洋蔥一個，青瓜一條，咖喱粉一包(今次用冠益華記)，香葉兩片。

雞翼自然解凍，啤水去晒雪味，索乾，落紹酒、糖、鹽、老抽、雞粉醃至入味，最好醃過夜。將雞翼用鑊煎至兩面皮微焦香，約三四成熟熄火備用。

薯仔切滾度，將大半用薑起鑊落少少油爆炒至微焦邊。

煮咖喱汁：番茄、洋蔥切細切碎。起鑊，爆香洋蔥，落番茄、加水煮至溶爛，落兩片香葉，再加冇爆炒既薯仔同咖喱粉煮成濃汁。

此時加入全部薯仔，煮至開始腍身。再加入雞翼炆煮約十五分鐘，加入一湯匙潮州辣油更添風味，再試味調味即成。

食時加入新鮮青瓜番茄碎，可以平衡一下辣味。