學下人整鍋貼先，今日又唔食飯，屋企煲粥送鍋貼。
材料：雪菜一棵，小棠菜半斤，半肥瘦豬肉10元，薑絲少量。
皮：麵粉180克，生粉20克，鹽少量，油一湯匙，滾水150毫升。
做法：
1 雪菜浸鹽水去鹹味，再浸幾次清水，搾乾水切細碎，落麻油、糖撈勻。
2 小棠菜切碎，薑以幼絲備用。
3 半肥瘦絞碎，落紹酒、雞粉、少少生粉、糖、生抽醃勻。
4 將上面1-3撈勻做成餡。
5 粉料加入150毫升滾水，猜勻成粉糰。
6 取粉糰逐一掐成鍋貼皮，包入餡料做成鍋貼，呢個份量我可以做到17隻，如果皮整薄一些可以包更多。
7 燒熱平底鑊，落油，排好鍋貼在鑊上先煎一煎，再贊入滾水，加蓋煎煮至餡熟、收水、鍋貼底香脆金黃色。
都可以啦，皮整靚的整薄的仲好。
嘩 ! 你真的很有煮食天份 ! 連 [鍋貼] 都會造 , 還造得似模似樣 , 怪不得 [快樂] 常懷疑你是一位廚司呀 ! 我剛到訪過 [快樂] 的 Blog , 並 寫下了一些健康貼示 , 誠邀你去看看 !
回覆刪除哈哈，多謝呀，你過獎喇。鍋貼都唔係好難整丫，不過塊皮唔夠薄，而家好多人用水餃皮黎包，我屋企有麵粉咪自己猜皮囉。等我去快樂度睇睇先。
回覆刪除粉糰 哇哇哇 你仲要自己搓啊 開班啦 我第一個報名呀喂
回覆刪除鍋貼皮用麵粉就得，好簡單乍，你都可以試下，你屋企一定有好多麵粉。
回覆刪除你搓得個皮好靚呀 我好鬼乍 厚薄唔平均
回覆刪除我搓得唔夠薄呀，我冇工具，淨係用手指掐。
回覆刪除呀呀 肥哥哥 我想問下你啊 個麵包機幫我地搓粉啦 如果我想佢搓完 我拿出來 自己焗 我應幾時拿出來呢 拿 我地做麵包時 佢要搓粉發烤2次啦 係唔係應該等佢發完2次至拿出嚟呢 但我點知佢係發完第2次呢 我睇嚟睇去本書都唔明佢第2次係幾時發烤完啊 佢一發完就會自動焗啊 咁佢焗緊時 我係唔可以拿佢出嚟喎 唔知你知唔知呢 謝謝啊
回覆刪除你部機係咪同我部一樣？如果係，佢係有「製作麵團程序」Dough Setting。淨係幫你搓粉，自動發二次，唔會局，搓完發完就會停機提示你取出麵團。不過我只係用過部機兩次，都係自動局埋，未試過淨係整麵團。但係我好肯定佢有淨係整麵團既功能。
回覆刪除哎呀 肥哥哥 你唔記得拿 你去過我個blog睇過架 你仲問我部機好唔好用架 唔唔 嘻嘻 冇記性啦你肥哥哥
回覆刪除我睇過呀，就係見你整麵包整得咁開心先買，不過唔係睇得好清楚，你好似冇影個牌子？如果係同一部機，係有淨搓粉功能喎，你睇下說明書第21頁。
回覆刪除嘻嘻 係同一部機啊 唔唔 唔該啊 我去睇下先
回覆刪除我整碎肉好冇天份，一D都唔滑，仲有D鞋添呀，都半肥瘦架啦，唔通要再肥D？有冇竅門教下我呀。我都好鍾意食鍋貼架，好想自己整啊。
回覆刪除你好呀，我都冇咩心得。唔好琢得太幼細，幼細得滯反而唔滑。仲有就係醃時唔好太多鹽，仲可以落少少水。我呢次係多菜少肉，比淨係豬肉好食，你都試下啦。
回覆刪除