蛋湯 Egg Soup

呢個蛋湯又係童年回憶。做法簡單到無可再簡單，但係個湯蛋香濃郁，非常好味。

以前阿媽要返工，我地仲細，放工之後阿媽仍然要煮飯炒菜，要做出快、靚、正既菜式，真係唔容易。呢款蛋湯就係佢拿手好戲之一。

簡簡單單，回味無窮。

材料：雞蛋三隻，薑粒多量。

做法：打勻三隻蛋，落較多鹽調味並作為湯底既味道，加入薑粒，再打勻。燒熱鑊，落少少油，倒入蛋液煎炒至兩面金黃，用鑊鏟將蛋切碎。

此時倒入熱水，熱水入鑊混合蛋片即煮滾，加蓋滾至湯液成淡黃色。

調味，趁熱飲。