今日都冇蠔仔賣，淨係買到比較大粒既中蠔，20元斤，買左一斤(其實只需三分一)。
上網睇左有關做法，以下係我既整法：
材料：鴨蛋2隻、蠔仔適量、韭菜適量、蔥、芫茜適量、番薯粉兩湯匙。
做法：
1 蠔仔沖洗乾淨，再放入大滾水，直至再滾起為止，過冷河，索乾水備用。
2 韭菜、蔥、芫茜切碎備用。
3 鴨蛋係咁意打散，但係唔駛打勻。
4 番薯粉加水、鹽、少少雞粉開成大半碗左右，再加入韭菜粒。
5 燒熱鑊加油，放入蠔仔爆一爆，倒入韭菜粒番薯粉水煎至變透明。
6 倒入一隻鴨蛋液，落蔥、芫茜輕輕推勻繼續煎。
7 反轉面，再倒入另一隻鴨蛋液，煎至兩面凝固金黃色即可上碟。
點魚露黎食，最夾味。番薯粉煙煙韌韌，鴨蛋較有咬勁，我其實係第一次整同食呢款蠔餅(我平時好少食蠔)，都可以啦。
又或者黎一碟芙蓉蛋蠔餅飯，都唔錯！
你呢個 似係泰式蠔餅啵 我未試過泰式呀 等我都試下先 ..................... 個個邊d蠔咁平既20斤? 我個到16蚊半斤呀
回覆刪除係呀20元斤冰鎮蠔仔。都OK架。
回覆刪除哇哇哇 原來出佐世 唔唔唔
回覆刪除不過唔 好小喺街見到人煎啊 九龍嗰邊會有啊 咩廟街附近好似有啊 不過我唔敢買嚟食 你既就唔同 嘻嘻
回覆刪除係呀，呢個我上網跟人做，專登唔撈勻D粉同蛋。
回覆刪除我都唔敢係街食，都唔會買，驚唔乾淨，d蠔其實幾污漕，如果唔新鮮驚有菌。而且街鋪煎落超多油，其實係半煎炸，我自己煎都落多左油。
回覆刪除我朋友今日食佐一串 嘔到C啊 即入佐急症 唔唔 唔好喺街亂食野啊 唔乾淨啦 佢地真係唔使手架 我上次去一間酒樓食飯 見到有個員工去完廁所唔鬼洗手架 比我即場話佢呀 我條條仲好唔順咁啊
回覆刪除我朋友係食魚蛋啊
回覆刪除煎蠔餅好味呀 ! 我每次光顧潮州菜館都一定會品嚐 。
回覆刪除正話睇電視，魚蛋七元一串，貴到飛起，係時候戒左通街食零食既習慣啦。
回覆刪除我其實好少食蠔，對蠔興趣不大。唔知潮州館係將粉漿同蛋撈勻煎定係粉漿還粉漿煎，再打蛋入去呢？我上網睇左兩段片，都係分開加，蛋專登唔打勻。兩段都係台灣「蚵仔煎」。
回覆刪除[潮州蠔烙] 跟 [台灣蚵仔煎] 的造法不同 , 我沒有看過廚司怎樣造 , 但憑其賣相估計到前者應該是把蛋液及粉漿拌勻後才煎 。
回覆刪除我如果再整會撈均晒D料。
回覆刪除