左面兩個細包係我整的，右面個大包係街買架。
下面搣開兩邊個細包係我整的，上面得一邊既大包係街買架。
哎也，整麵包好「支力」呀。我寧原整送喇。
跟住麵包機本書，參考佢既「牛油捲」配方，換左三分一杯低筋麵粉，用清水代替牛奶，落少 D牛油。
為左整呢個包，買左26元叉燒、5元乾蔥、5.5元洋蔥、5元蛋(5隻)。麵粉、牛油、麥芽糖以前買落唔計數。
仲響麵包舖買左個正版叉燒餐包4.5元 (見上圖右邊大個一個)。
整餡料：
1 叉燒切粒、洋蔥乾蔥切粒。
2 燒熱鑊，落油，爆香乾蔥、洋蔥，再落叉燒爆炒。
3 落麥芽糖、蠔油、老抽、糖、生粉將餡料煮「杰」，攤凍備用。
整麵糰：
麵包機代勞。
跟住說明書步驟，包好餡料，發好麵糰，入局爐180度12分鐘。
局出黎之後。。。
變左非洲叉燒包喎。。。
今次整得唔成功呀，個包又黑又實。原因可能係：
1 我個局爐好猛火，180度12分鐘已經過左火，個包太深色喇。
2 個包發得唔好，發粉要研究一下。
3 個包質地唔夠軟，買邊種麵粉都要考究一下。
有冇人可以教下我呀喂？？？？
不如真係送鬼佐部機比我仲好啦 唔唔唔 肥哥哥 得閒去睇下我個blog啊
回覆刪除部麵包機好好喎，我冇鬧佢喎。你快D整俾我睇啦。
回覆刪除唔唔 真係自己整嗰d係唔會落咩色素架 你睇下你買番嚟嗰個幾紅啊 你整嗰d就唔同啦 係咪
回覆刪除喂喂 我用高筋粉架肥哥哥
回覆刪除我都係用高筋粉，本書話2又三分一杯高筋粉，但係我有本整麵包書係有落低筋粉，於是咪改左原來三分一杯做低筋粉囉。
回覆刪除我諗最有可能係發粉要換另一隻。我個包雖然有發大，但係局出黎唔夠鬆，係比較實的。
係呀，佢一定有落色素。檔口叉燒都一定落左色素，如果唔係冇咁紅。
回覆刪除唔唔唔 我地真係有排學啊 由其是我 嘻嘻 整野食真係學一世都唔會完既 唔唔 肥哥哥 我有野想問啊 其實呢d麵包食唔晒 係唔係一定要放雪櫃呢 我剛剛又整佐啊 因明天要送比朋友 係唔係要放雪櫃到聽日呢 呢樣野我到現在都唔鬼知啊 因我d麵包整佐之後 一日就會食晒啊
回覆刪除我今日整左六個包，而家剩番兩個，攤凍之後放入Lock & Lock盒。睇下麵包有冇肉餡，如果係白麵包，唔放入雪櫃一日半日都冇問題，如果有肉就唔好喇。早排天冷唔駛放入雪櫃，而家要喇。
回覆刪除唔唔 我個d麵包係放蔥啊 只係蔥 都要放啦 是嗎 隱陣d
回覆刪除1蚊1隻蛋咁平?
回覆刪除10元11隻都有呀，當然唔係超市啦。街市檔口雜蛋呀。我而家唔係超市買蛋，佢地封實晒。改係街市檔口買，有平有貴，一元隻都OK架。
回覆刪除係呀，放雪櫃好D。如果有微波爐丁番熱就得啦。
回覆刪除