豬柚皮即係豬皮同柚皮，哈哈！
買碌柚我最想食既係佢層皮，唔係肉，所以我一定唔會買綠色薄皮果種柚。我會買厚皮多核既碌柚。
有時生果檔剝左碌柚，唔要皮，可以免費送添！再買D豬皮(我買左13元)，就可以炆個豬柚皮啦。
柚皮批好，浸水渣水幾次，落幾滴白醋再浸一陣，就可以去左部分澀味(唔好去晒，醋少少就夠)，仲特別容易炆腍。用魚露、地魚粉、糖、頭抽，八角慢火炆至腍。
豬皮洗淨，出出水再沖淨，渣乾水，用蒜頭豆豉薑粒起熱油鑊，爆香，就可以落適量炆柚皮水，蠔油炆至入味收汁。
柚皮兩片內面向上放碟上，再放上豬皮，埋濃獻，呢味炆豬柚皮就搞掂。
一個碌柚開四塊皮，可以整到兩大碟。呢度只係半份，真係抵食夾大件啦！
我第1 哈哈哈
回覆刪除哇哇哇 柚皮勁難整架 味道得嗎 你個柚子幾錢個啊
回覆刪除哈哈，柚皮其實好易整架。個碌柚十六元，新年時買，而家仲平。
回覆刪除好鐘意食柚皮呀 但係唔見有得賣呢
回覆刪除晚安！原來加幾滴醋就有柚皮食！
回覆刪除呢隻平價厚皮碌柚街市生果檔應該好易買到喎。超市都有喎。
回覆刪除你好呀！其實唔落醋都炆得腍架，柚皮好易腍，如果太大火會炆到溶溶爛爛添。一定要慢火細火，先可以保持原來形狀。
回覆刪除嘩!!好正又好味道!!!
回覆刪除柚皮真係大件夾抵食，又好味！
回覆刪除我好鍾意食柚皮架，佢令我好有兒時回憶，不過乜唔駛浸過夜既咩？我平時又浸又揸咁，乜原來唔駛架？
回覆刪除浸過夜同唔浸過夜我都試過，我個人覺得冇咩分別。又同每個人口味有關，例如有人唔鍾意澀味，浸水換水耐D，浸過夜，其實批皮批深少少，批乾淨D就可以除去澀味。又有人鍾意保留少少澀味，就可以浸短D時間。我整柚皮可以即日整即日食。
回覆刪除記得我媽媽以前好喜歡煮柚皮做餸 , 不過我就麻麻 .
回覆刪除柚皮好食架，又有益。食食下就會鍾意！
回覆刪除柚皮
回覆刪除柚皮真係易整好食又平，你一定要試下。
回覆刪除