新年買左一大甖三蒸酒，祝大家蒸蒸日上再蒸上呀！哈哈。
揀左幾間鋪頭，決定買呢甖(不過……)。
廣西象山牌三蒸米酒， 2.5升，38度，95元(唔知有冇買貴到呢)。
買呢甖酒，諗住兩樣野，第一樣係浸士多啤梨酒，第二樣遲D先話你地知。
今日唔得閒整，下星期先去買盒靚士多啤梨。
補記：其實對大陸酒真係有戒心，睇真D，佢既招紙既拼音有D古怪。
廣西漢語拼音應該係Guangxi，但係佢張招紙係Kwangxi
三蒸漢語拼音應該係Sanzheng，但係佢拼成Sancheng
冇理由連廣西既拼音都搞錯喎。你話係咪要買過呢？
補補記：今日留意睇下其他牌子雙蒸三蒸酒既招紙，發現唔少都係亂拼音。例如珠江橋牌醇舊三蒸酒，三蒸就拼成Sancheng，酒更拼成Chiew。雙蒸更有拼成Sheung Jin。其實蒸應拼zheng, 酒應拼jiu。可見招紙原來亂咁黎。再留意下，招紙都係用繁體字印，唔知係唔係響香港印製，D人唔識拼音是是但但呢？
哇哇哇哇浸士多啤梨酒 我有冇份呀喂 快d整啦 我好想學呀 嘻嘻 我開佐爐整麵包啦喂 嘻嘻
回覆刪除係呀想浸士多啤梨酒，我鍾意食士多啤梨架。不過睇真D甖酒既招紙，連廣西既拼音都印錯，蒸字又拼錯，都唔知係唔係假野黎。
回覆刪除如果係响百佳惠康嗰d大超市買應該唔怕的...雜貨鋪我就唔會買喇~ 華潤都唔會.
回覆刪除早晨！好得人驚，不過意頭又好好噃！祝2012年，萬事如意，蒸蒸日上！
回覆刪除喂喂 唔該你去買過啦 比你發現倒 仲食咩
回覆刪除我響街市糧油雜貨鋪買架。百佳惠康冇呢隻酒。
回覆刪除係呀，我今日留意睇下三蒸雙蒸既招紙，原來好多都唔係用標準漢語拼音，亂晒龍架。
回覆刪除不過其他牌子都係拼錯音，包括惠康百佳買到既都係有拼錯。
回覆刪除