肉碎豆豆 Stir-Fried Minced Pork With Yellow Bean Sprouts And Peas

肉碎係半肥瘦肉碎。豆豆第一個豆係大豆芽，第二個豆係玉豆。



做法好簡單，先將大豆芽略為去根，再處理好玉豆切短度。燒熱白鑊，先烘乾大豆芽，再烘乾玉豆，將兩樣兜起備用。



再燒熱白鑊，落醃好的肉碎，將肉碎炒散炒熟。如果用半肥瘦肉，呢個步驟可以唔落油，肥肉爆下爆下會出油，爆炒好兜起備用。

洗乾淨鑊，燒熱，落薑片落鹽落油，大豆芽同玉豆回鑊，贊水贊酒快炒，將玉豆炒熟。



豬肉碎回鑊，加入少少紅指天椒乾，將所有材料炒勻，埋獻收汁即可上碟。



呢碟送爽口有咬勁，又係送飯一流！