番茄韭菜炒牛肉 Stir-Fried Tomato, Chinese Chives And Sliced Beef

又係時候要吸收多D番茄紅素喇，今次整碟番茄炒牛肉，加左少少韭菜落去，增加纖維素。



番茄三個，牛肉三十元，韭菜適量(唔可以太多，否則會搶味)。

牛肉切片醃好，先燒熱鑊加油爆炒至八成熟兜起。

原鑊落番茄，加薑片、糖、贊紹酒，將番茄炒腍，全程唔駛落水，用番茄本身既水份將番茄炒腍。



牛肉回鑊，炒勻，最後落埋韭菜，埋個略多汁既獻(豉油、蠔油、粟粉、水）。

韭菜同番茄牛肉加埋一齊，幾好味。



開飯要連汁都撈埋，又開胃，又可以完全吸收晒D番茄紅素！