去街市買節瓜，通常都唔駛問價，點知今日買到我「破產」，秤左先知要22元斤，唔夠錢俾！事頭婆話唔緊要聽日先俾啦！
佢話近日冇節瓜到，呢D係海南島節瓜黎。兩個節瓜要二十幾元，真係要好好㗳真味道喇！
本來呢個平民家常送唔會影相，但係因為兩個矜貴節瓜，要記一記！煮左款節瓜冬菇蝦米豬肉，呢幾樣食材味道好夾，點整都好好味！
冬菇用左99元斤既平價冬菇仔，貪佢細細隻又唔厚身，快熟而且又夠香味，比某D貴價花菇仲香。蝦米用左泰國麗蝦，豬肉用左20元脢頭。
先爆炒豬肉，再落節瓜、冬菇、蝦米，加水煮至節瓜腍度適中，埋個薄蠔油獻，即成，用隻雞公碗上枱，更有平民住家風味！
哈哈...好似我有睇價錢芽,今日都要買二十蚊一斤,原本我想用來煲湯架,見咁貴即刻轉煲第二樣,今次你碟餸真系貴 =..=' 我都買D唔太貴嘅冬菇架,自己吃之嘛,又唔系請客,好食米得~~
回覆刪除而家D冬茹唔知係唔係變左種，唔香！唔夠以前香。花菇仲衰，冇味。
刪除