咸肉炒大豆芽 Stir-Fried Salted Pork Strips And Yellow Bean Sprout

呢碟小炒用料：上海咸肉適量切幼條，大豆芽一斤，蝦米適量。

咸肉先出出水略減其咸味，再切幼條。大豆芽用白鑊烘乾水。蝦米浸洗乾淨。

燒熱鑊落油，落兩片薑片，加入蝦米爆香，再加入大豆芽大火快炒，贊水贊酒，將豆芽炒軟。

再落咸肉，加適量水或雞湯略煮一煮，煮至收水，落適量紅椒粒，炒勻埋獻即可上碟。
 
最後灑上葱粒。

呢款小炒咸、香、辣，幾惹味，豆芽口感爽韌，蝦米有咬勁，長者或無牙力者不合。