熟鐵鑊幾十元就有一隻，方便易用，開好鑊就唔會黐鑊，佢含炭量少，唔會抹出黑色，比生鐵鑊乾淨。
今日就要試下用隻熟鐵鑊煎魚再滾湯，睇下效果係點。
買左一兜三條25元馬頭魚，加四個番茄。
先洗乾淨魚，用紹酒同鹽醃魚，放入雪櫃醃夠時間。
煎魚：燒熱鑊落兩片薑，再放入抹乾身既魚，煎香一邊，再煎另一邊。
隻鑊非常好用，完全唔會黐底，三條魚都係自動離底！
睇下煎得幾通透，而且唔會有黑色，煎完既鑊底油都冇黑色架。
跟住洗鑊再燒乾，放入清水或雞湯八碗，煮滾。放入馬頭魚，加蓋大火煮之。
約十分鐘開蓋，湯色已經轉奶白。此時放入切好既番茄四個，再加蓋滾十分鐘。
試味調味，完成！湯色微橙黃，唔會轉黑。幾十元隻熟鐵鑊，物超所值啦！
安安 肥哉~~熟鑊??系咩來我未聽過=..=' 青根我喜歡用來整鹹鮮...好好味架,所以我未試過滾湯,甜唔甜芽啖湯??
回覆刪除青根我都係一向都醃咸煎黎食，今次專登要試下隻熟鐵鑊，所以煎完仲滾個湯。我都係第一次。青根肉地較鬆軟，滾完成條散晒。我諗都係用番紅衫魚好。不過啖湯都好好味，我落左番茄，帶酸味。
刪除熟鐵鑊就係傳統酒樓廚房師傅多數用既鑊，薄身，傳熱快。平、靚、正。