魚肉釀豆卜食得多，今日自已剁鱆魚豬肉釀豆卜變變口味。豆卜買左四两，要九元。鱆魚係取自用來煲湯既鱆魚乾，剪左五份一隻就夠。
微肥瘦豬肉(二十元用左半舊)剁碎，加入鱆魚粒再剁。加調味，撻至起膠，醃一小時以上，之後撈入粟粉，再釀入開邊豆卜內。只須釀入少量豬肉即可。有剩可以另行蒸肉餅。
先將釀好既豆卜蒸幾分鐘至豬肉八成熟豆卜軟身。再將豆卜放入鑊煎香，煎至微焦黃。再逐少逐少贊水加蓋半煎煮，好似煎鍋貼咁。
煎至收水，豬肉全熟豆卜腍身，再加少少紅蘿蔔片同白芝麻（冇落麻油咁搶味)，再埋個老抽獻至豆卜完全吸收汁液，即可上碟。
豆卜每粒飽含肉汁，好味道！ 如果鍾意多汁，可以自行調校。
***Please leave your feedback, thanks!***
沒有留言:
張貼留言