豬膶肉丸粥

食剩兩碗飯，又用黎煲粥(加陳皮、薑絲)。今次整豬膶肉丸粥，加生菜底啦。

豬潤10元。半肥瘦絞碎20元。生菜適量。豬膶切片洗淨血水，用酒、生抽、鹽、糖、胡椒粉、生粉撈勻放入雪櫃備用。半肥瘦用鹽、糖、生抽、生粉搞一陣，撈勻放入雪櫃。

豬肉入味後，整成肉丸，入鑊蒸12分鐘。

待粥煲好後，先放入肉丸煮一陣。豬膶沖洗乾淨，放入粥內煲滾至熟。

大碗底放入生菜絲，倒入滾粥，趁熱撈勻，即可享用！