韭菜花炒蝦球

韭菜花一扎6元。冰鮮中蝦一斤40元。指天椒適量。

冰鮮蝦剝乾淨，去腸，用鹽同生粉醃一陣，然後啤水N次，直至清爽通透為止。索乾水，將較大隻既起雙飛，放入雪櫃備用。

韭菜花切度，洗淨備用。

起嫩油鑊，放入撲左薄薄一層生粉既蝦泡嫩油至九成熟撈起。

薑片爆鑊，放入韭菜花贊水炒至快熟，贊油，再將蝦回鑊快炒。

埋獻(鹽、糖、生粉、豉油)收汁，用紅椒絲裝飾即可上碟。

再黎張特寫，韭菜花清甜無渣，蝦球鮮爽啖啖肉，好正架！