雙榨菜薑蔥蒸牛肉

榨菜蒸牛肉係普通家常送，今次整少少變化，效果真係幾好喎。

雙榨菜：中國四川榨菜(左) + 台灣榨菜(右)，兩舊5.5元。

牛肉：我問牛肉檔哥仔，要買蒸既牛肉，要有d肥既，佢切左條肉眼邊，都幾多油花。我話唔要咁多肥牛，要搭d瘦既，佢又切左少少瘦牛。加埋23元。

呢碟野咁駛落油，我想食辣，於是準備少少潮州辣油，撈埋薑絲備用。

榨菜洗淨切片，用鹽水泡浸。牛肉用薑蓉、老抽、鹽、糖、胡椒粉、生粉醃好備用。

醃夠時間後，榨菜渣乾水，撈埋牛肉，放入蒸鑊，水滾計蒸8分鐘。

蒸至6分鐘，放入潮州辣油同薑絲，再蒸2分鐘。

放埋蔥粒，即可上檯。

中國榨菜較咸，爽中帶韌；台灣榨菜較淡口，爽中帶硬。加埋兩種牛肉，配搭豐富。