臘味煲仔飯 Clay Pot Rice With Air-Dried Duck, Pork and Sausages



 

響就黎絕種既缸瓦鋪買左個瓦煲仔，想整番煲煲仔飯。

材料：臘腸兩條，臘肉兩塊，臘鴨一塊。絲苗米一碗。

工具：鐵線瓦煲仔一個，散熱板一塊。

做法：先洗米，浸米。沖洗乾淨臘味。瓦煲仔內櫳掃少少油，放入浸透既絲苗米，再加入一碗水。煲仔放在散熱板上，先用中大火煲滾，再改中細火煮飯。

煮到仲見到米水，但開始收水時放入臘味，加蓋。

再煮到聞到微微飯焦香時，熄火。

 

取出臘味，切好再鋪回飯面，加蓋局約十分鐘。

局完將飯同臘味撈勻就可以裝飯喇！呢煲飯其實唔駛再落豉油，臘味本身已夠味，且已滲入飯中，咁先至係原汁原味既臘味煲仔飯。