即食麵要食得健康，可以改變整法，例如整個豉椒排骨炒麵。
做法其實係「二合一」。第一樣係豉椒炒排骨，第二樣係煮麵煎麵。
即食麵兩個，用水煮開，過冷河，瀝乾水，撈入大約四分一包調味粉，少少油用手摷勻，放入易潔鑊煎至兩面微焦黃，鋪在碟上。
肉排醃好，撲少少生粉，放入油鑊泡油至金黃色撈起。
切好三色椒，洗淨豆豉，燒熱鑊，落油，爆香豆豉，將排骨回鑊炒香，再落三色椒爆炒，贊酒，埋個蠔油獻，獻汁要多。
將豉椒炒排骨淋在麵上，即可上枱分享。
麵靚，豉椒排骨香，二合一，好好吃！
沒有留言:
張貼留言