蛋白扒豆苗 Stir-Fried Bean Sprout With Egg White Sauce

街市有兩檔賣豆苗，一檔13元半斤，一檔10元半斤。10元半斤既豆苗比較大棵。

我為左慳3元，幫襯左10元半斤。雖然老左少少，都可以啦。

番黎炒番碟蛋白扒豆苗。屋企早前買左舊上海鹹肉，用剩細半舊。於是落埋鹹肉，貪佢個樣整起有D似火腿。

鹹肉浸一浸水去少少鹹味，切幼條，落糖同紹酒撈一撈再蒸熟備用。

豆苗洗淨瀝乾水(一定要做呢步)，燒熱鑊落比較多油(豆苗好索油)，燒至大熱，落豆苗大火快炒，落少少糖、鹽，贊少少酒，將豆苗炒熟鋪上碟。

最後推個玻璃獻，熄火後加入已打勻既蛋白一隻，將蛋白玻璃獻淋在豆苗中間，

再在上面放上鹹肉即可上枱。