白汁龍脷柳 Braised Sole Fillets In White Sauce

   

整番煲白汁龍脷柳，可以獨立做送，又可以用黎做碟頭飯。

而家去平民超市買唔到龍脷柳，有既都係鯰魚柳，比較鞋。龍脷柳較滑，響街市檔口有賣，不過唔知係咪真係龍脷。

買左一包兩條，用鹽、胡椒粉醃過夜。另再買紅蘿蔔、洋葱、磨菇做配菜。

我既做法係咁：

紅蘿蔔切滾度，放入熱水煮至滾起，過冷河。

洋葱、磨菇切好，燒熱鑊落油，爆香。

龍脷柳切塊，撈少少生粉，泡嫩油。

跟住燒熱鑊爆炒紅蘿蔔，落埋魚柳塊，跟住再落洋葱、磨菇。

最後埋個白汁獻(麵粉、奶粉、水、鹽、糖）慢慢將所有材料同白汁撈勻，汁要比較多，煮至滾起即熄火，完成！