皮蛋手撕瘦肉粥 Lean Pork Strips And Thousand Years Egg Congee

煲完湯既瘦肉你地會點處理？係咪會掉左佢？

我記得細個時，屋企附近有間包辦筵席鋪頭，鋪頭外面另設一個粥檔，專賣一種粥，就係皮蛋鹹瘦肉粥。

佢呢個粥特別之處，就係瘦肉唔係刀切，而係順肉紋撕成極幼絲。

而且瘦肉似乎係「二手貨」，可能係煲過湯既肉，用鹽醃鹹。

呢個粥善用廚餘，可見以前既人又環保又有生意頭腦。粥比較稀，細個時覺得好好味，大既係落左味精掛。

今日呢個粥就係兒時回憶，用既就係煲完湯既「不見天」，取其瘦肉搣絲煲成。

一碗平平無奇甚至可以講係好cheap既粥，但係滿載了不能磨滅的回憶！