呢個茶聽慣既係「桑寄生茶」，不過我買唔到「桑寄生」，只係買到一盒「寄生茶」。上網查資料，「寄生」同「桑寄生」都有，睇完說明都係一舊雲。
見人飲得咁開心，貪得意又試整下。
包「寄生茶」打開一睇，好似一堆爛葉爛柴咁，如果唔講真係以為係掃公園收集既枯枝枯葉。
唔理喇，都買左就整喇。
材料同做法：
蛋兩隻，先烚熟，再剝殼備用。
寄生茶材料半碗，蓮子半碗，水六碗。
將寄生茶同蓮子浸一陣，再清洗過水過乾淨。用六碗水先大火煲滾，再轉細火煲50分鐘。
熄火，揀出蓮子，棄去寄生材料，過濾湯液。
蓮子、雞蛋放入湯液中，加糖校甜味，再用中細火煲10分鐘。
熄火加蓋成煲局10分鐘。
買相都唔錯啦，味道幾「特別」，不過我都係鍾意食隻蛋同D夠晒腍既蓮子多D。
飲完一盅「口淡淡」左一排，唔知係唔係正常呢？
飲左補乜嫁！
回覆刪除據說這茶有以下的好處：
回覆刪除桑寄生是桑樹上寄生植物，味甘苦而性平和，有補血虛、通經絡、療濕痺、強筋骨、潤髮、堅齒、安胎、治腰痛及婦人產後遺疾、養顏等功效。
桑寄生可以舒筋活絡 , 有强筋骨 , 利關節的功效 , 常飲可止腰膝酸痛 , 對治療風濕痺痛亦有療效，桑寄生不寒不熱 , 亦能養血要神 , 補腎補血 , 女士常飲可以養顏補身 能 強腰保腎，提氣養血，安神寧心、補鈣健脾，安胎調理，舒緩生理期、更年期不適。調補女性之貧血、月經不調，效果甚佳。
適合生活不正常精神不振，影響內分泌失調，令肝脾皆虛服用。
我睇到呢句 笑佐出嚟 如果唔講真係以為係掃公園收集既枯枝枯葉
回覆刪除多謝樓上網友幫我查呀。包寄生茶個盒有呢句：
回覆刪除此茶無論男女老幼，均可作日常飲料。
Thank you!
回覆刪除果盒野一打開，講得衰D好似係垃圾咁，我真係唔識寶。最初真係諗過掉左佢。
回覆刪除等我又試吓尼飲先 , thx 肥哉 .
回覆刪除唔好客氣，多謝你捧場！
回覆刪除