茄片煎鮫魚 Fried Mackerel With Tomato Slice

今日見到魚檔既鮫魚幾靚，買左兩塊16元，再買個番茄。其實我好少食鮫魚，覺得佢會腥。

返屋企洗乾淨兩塊魚肉，索乾水，灑適量幼鹽，再灑D荳蔻粉，放入雪櫃雪佢三個鐘。

煎時用隻平底鑊，落少少油，將兩邊煎至微焦香，鍾意香口D可以煎到兩面香脆。

將魚鏟起，再煎兩片番茄，放在碟上，再放上鮫魚，灑少少蔥花，一碟簡簡單單既煎鮫魚就完成喇。

估唔到喎，好好味喎。鮫魚骨唔多，啖啖肉，一D都唔腥喎。