白果花生豬肚粥 Ginkgo Peanut Pig Stomach Congee

初中年代家住灣仔，早餐經常響灣仔街市一間平民粥檔食豬肚粥、豬心粥。

間粥檔做粥方法係，先煮熟豬肚豬心，切成薄片(真係薄片)，然後倒入滾粥。

D粥係稀粥，不過好好味(落重味精)，撈勻豬肚、豬心，熱騰騰的粥水落肚，已經覺得好滿足。

我呢煲花生白果豬肚粥，已經係另一版本。

我仲加埋豬骨折肉，足料好多。

最能勾起回憶的，就係呢碗白切豬肚。