蝦乾蝦子乾燒伊麵 Braised E-Fu Noodle With Dried Shrimps and Shrimp eggs

我咁講一定會俾大師傅鬧：整乾燒伊麵真係易到痺。

屋企有蝦乾、蝦子，想食伊麵，就係咁簡單。

大伊麵兩個(兩個已經可以整到一大碟，隻碟細D都裝唔晒)。

用凍水沖一沖乾淨，瀝乾水。我既做法係完全唔駛先煮再過冷河，咁樣做個麵會變得太腍同好易爛。

蝦乾浸軟剪成粒，用薑起鑊，爆香。

加入已浸軟既日本冬菇，加水，加味(鍾意咩味隨個人喜好)，炆煮十幾分鐘。

此時加入伊麵，吸收汁液，煮軟，控制鑊內水量，燒到伊麵有乾身感覺。

加入蝦子、韭黃，撈勻，熄火上碟。

碟邊圍上菜遠，好睇又好食。

呢碟乾燒伊麵出街食一定冇咁大份量，一定冇咁平。

抗通脹，就要多D自己煮食。