蓮蓉酥角 Deep Fried Flaky Lotus Seed Paste Crescent

行過灣仔東方小祇園，見到大大隻既蓮蓉酥角，勾起了兒時回憶。

好多好多年前家在灣仔，新年時食油角，點都唔夠這家的蓮蓉酥角好味，印象深刻。

今次見到既酥角比較大隻，大約大左一倍左右，每隻5.5元，買左四隻。



買時已經係凍既，返到屋企用個光波爐「光」佢幾下。

趁熱食，蓮蓉味道調校得好好。童年美味全部返晒黎。

酥角多數用豬油搓皮，但係呢間係齋鋪，唔知點整到咁酥，不過一定係肥油，好鬆化，剪開一半，一啖只能食到半隻。如果渣住食一定食到一檯一地都係！

其實食一隻已經肥油超標，但係食半隻又唔夠喉，最終都忍唔住食埋另一半。