豆豉鱭魚 Steamed Deep Fried Ji Fish With Preserved Black Bean

罐頭豆豉鯪魚越賣越貴，不如自製！

新鮮游水鯪魚唔平，改用廉價鱭魚，魚檔一碟十條，賣13元，買左一碟。魚檔劏魚好馬虎，唔乾淨，返黎要慢慢清洗，去頭去清內臟黑膜。

用少少粗鹽省下內外魚身，加入紹酒，放入雪櫃醃佢一個鐘以上。

醃好後，放入熱油中炸至通透，炸至全身連骨都金黃酥脆為合。

其實此時已成酥炸鱭魚，好香口。不過今次要整豆豉鱭魚，所以仲未完成。

將豆豉加在魚上，大滾水隔水蒸15分鐘。


取出，淋上自家調製甜豉油，贊少少熟油，即成豆豉鱭魚。個樣同口感都幾似罐頭豆豉鯪魚架，味道都唔差架！