健康飲食除左要注意食物營養均衡外，仲要注意通過食物提高人體免疫力。據說番茄有大量番茄紅素，對身體有益，梗係要食多D啦！聽講番茄紅素係「脂溶性」，在油脂中先會更易分解被人體吸收。咁就不如用番茄黎炆個豬腩肉啦！
今次我用左大大個番茄，共四大個成斤半有多，13元。豬腩肉只係買一條就夠，19元。
一於用番茄掟死隻豬八戒！
豬腩肉洗淨調好味，燒熱油鑊，落薑片爆香，爆至表面微金黃。
此時倒入已切好既番茄，轉中火兜勻。
呢個送全程唔駛落水，就用番茄本身既汁液炆腍腩肉。
係咁炆煮，煮至番茄爛成茄漿，調味，即可上碟。
響上面落少少碎鮮茄粒，再插幾朵西蘭花仔，就更靚！呢碟送既主角係番茄唔係豬八戒，茄汁用黎撈飯最正！
撈飯好正!
回覆刪除而且有大量番茄紅素，好有益，要扒多碗飯！
回覆刪除濃蕃茄煮豬腩，正！起碼扒三大碗飯！！！
回覆刪除起初冇留意《血腥》問題.............
回覆刪除你講完又幾血腥.........喎！
高人，你煮蕃茄，會不會下 “老抽”，我覺“老抽”係好配蕃茄，一落就吊起晒個味！！！