水瓜炒肉片 Stir-Fried Sliced Pork With Sponge Cucumber

今日熱到飛起。行街市見到有水瓜賣，聽講水瓜可消暑，於是賣左一條，成二尺長好似支棍咁。



自自然然就想起「水瓜打狗唔見一撅」呢句話，水瓜拎起手真係有種一打就斷既感覺架。

今次用左半肥瘦豬肉切片，專登落少少肥肉增添油水。水瓜做法同絲瓜差唔多，批皮切滾度。



先燒熱鑊，落油落薑片，再落醃好既肉片，大火爆炒，贊少少酒，炒至肉片九成熟。



此時落已瀝乾水既水瓜，又大火快炒，將水瓜同肉片都炒熟，埋獻收汁上碟。

呢個送要注意埋獻收汁，全程唔駛落水，水瓜會出水架。



水瓜食味清甜，爽中帶腍，滑不溜口，好正！比絲瓜更滑！



三兩下手勢就食鬼晒，淨番D肉片！