火腿津白 Braised Tianjin Cabbage With Ham

火腿津白簡簡單單，但係非常美味。去酒家食，閒閒地都要六七十元碟，白已煮就平好多。



響超市買左個中型短身紹菜，6.5元。用幾片金華火腿就可以整出呢碟菜。

金華火腿切片洗淨。紹菜切幼條。

燒熱鑊，落泹落薑片，落紹菜炒一陣，贊水蓋過菜面，加埋幾片金華火腿，加蓋煮。



煮至菜完全腍身，取出火腿片切絲。



煮至水份略為收乾，埋個薄玻璃獻，即可上碟，菜面放回火腿絲就完成。



呢個火腿津白完全唔駛落鹽。如果改用雞湯煨煮就更和味。