需要補記一下：我今日(30-11-2011)煎蛋之後洗鑊，抹乾時就抹出黑色呀。D油都有微黑。可能未做好開鑊，要用一段時間先會改善。唔想誤導大家，特此補記。
上海街有間唔起眼既半邊鋪，叫區利昌刀庄，有兩位大叔睇鋪。
佢地賣既生鐵鑊，係好野黎。
我買左隻單柄平底生鐵鑊，95元。冇隻耳仔既就賣90元。仲有大D既就貴D，不過我覺得呢個size就岩，我可以輕鬆拋鑊，女士就可能仍然重左D。
番黎省乾淨，燒熱，落油搽勻再燒熱，沖洗省勻就已經開完鑊(大叔教既仍然係肥豬肉韭菜)。
首先煎隻荷包蛋，完全唔黐，可以輕易翻起。不過冇影到相。
之後又煎過雞扒，又唔黐，非常好用。
炒菜當然冇問題，冇出黑野。
(補記：不過今日30-11-2011煎蛋後抹鑊就抹出黑野)
炒蛋一樣掂。
其貌不揚，手工粗糙，此所謂實而不華也！
晚安：我病後Chu爸煮飯，佢第一件事就係換左隻生鐵鑊，原來佢唔用洗潔精洗架，仲叫我唔攪添，我想問下你，Chu爸有冇錯呢？我見隻鑊又油淋淋咁！
回覆刪除你好，Chu爸冇錯呀，生鐵鑊唔用洗潔精洗架。炒完野用暖水洗刷乾淨，抹乾就得。如果唔係日日用隻鑊，可以抹一層薄薄既油，用細火燒乾就得。
回覆刪除哇哇哇 我都想買呀 因之前嗰隻唔係生鐵鑊嚟 而且隻耳破了呀 你話好用 我就買一隻試下先
回覆刪除係上海街呀 問人會唔會容易搵到呢 我係路痴嚟啊 有冇地址啊 嘻嘻
回覆刪除唔唔 謝謝啊 我去買番一隻試下 嘻嘻
回覆刪除我今日用隻鑊時，抹出黑色呀。你如果未買就諗清楚先啦。新既生鐵鑊似乎都係會甩出黑色，要用耐左先改善。
回覆刪除唔唔 我之前都冇用過呢d鑊架 我係用銀河嗰d鑊啊 咁啊 要用一輪睇下先啊 不過有黑色 唔知要用到幾時至冇黑架喎 你用時要小心啊
回覆刪除嘻嘻 唔係銀河啊 係銀色啊 哈哈哈哈哈哈哈哈哈
回覆刪除