煲粥炒麵 Congee And Fried Noodle

細個時屋企間中會唔煮飯，阿爸阿媽話今餐唔食飯喇，一於煲粥炒麵啦！果陣時覺得好開心架。

最鍾意食既係柴魚花生豬骨粥，阿媽最鍾意炒既係肉絲炒油麵，落埋韭菜芽菜。

而家油麵太肥喇，我改左用乾麵餅黎炒。

錦興全蛋麵四個，我用左「肥哉摷炒法」整左個青菜摷炒麵。

麵既調味料落左地魚粉、蠔油、頤和園生抽、糖、雞粉，摷勻醃至入晒味先炒。

粥就用粥鼎煲好一巨煲柴魚花生豬骨粥。

嘩，正呀，成朝個個就係食呢大煲粥同一大碟炒麵。