唔買唔買終於買，仲一買買兩個！
事實上呢款煲又真係好靚，我鍾意佢既硬朗外形設計，一睇已經比另一個同類名牌吸引好多。
當然仲有就係煲內壁係黑色搪瓷，唔係白色，我認為呢樣係好重要既加分因素。點解，日子有功，煮落就自然明白。
再加上煲蓋內既「自循環水珠設計」，真係一絕。而且煲蓋頂粒「的」(手柄)係燿眼既金屬「的」，更加醒目。
於是我就做左百貨公司同代理商既「戰利品」喇。
個「羅勒綠」Basil green 20CM 煲仔係由Patrick做檢查員既，就叫呢個煲仔做Patrick仔啦。
個「羅勒綠」Basil green 20CM 煲仔係由Patrick做檢查員既，就叫呢個煲仔做Patrick仔啦。
個「櫻桃紅」Cherry 24CM 煲既檢查員就係阿Joel(男定女？)，就叫佢做阿Joel啦！
兩個廚房玩具用左我二千幾蚊！
兩個廚房玩具用左我二千幾蚊！
我一向用慣粗野，呢兩個煲而家有D唔捨得用添，真係大鄉里。尤其係唔捨得就咁擺上明火燒，睇怕又要晒錢買塊散熱板喇。
巴西綠 綠我中意既顏色啊 煮都煮得開心d架 而且呢個綠真係好靚啊 我諗現場睇仲靚呀個顏色
回覆刪除應該係「羅勒綠」至岩，我睇錯左呀唔好意思。個綠煲仔係好靚架，我一見就鍾意。紅色果個就係傳統顏色。其實有好多顏色揀，真係花多眼亂。
回覆刪除廚房藝術不嬲都係一條不歸路,我支持你~
回覆刪除晚安！比D好野我地睇，齋睇？咪啦，搵日，最好摘日，唔捨得都要試下佢有冇問題架，漏氣點算！
回覆刪除我都心思思想買個24CM, 我已經有20CM茄子色
回覆刪除多謝呀，哈哈！成屋都係煲喇已經！
回覆刪除會漏氣？你意思係咪個蓋唔夠密？我要買塊散熱板先試煲。又或者用電爐。我唔想用明火。
回覆刪除我有時用20CM黎滾山楂水或羅漢果水, 用黎炆野有D細, 除非好少分量
回覆刪除都唔知係唔係唔鬼識搵 我行過sogo啦 太古城啦 咩city supper啦 都唔見水煲呀 應該要去邊到搵呢 佢地唔係冇 而係好細過啦 有d就咩都冇寫 就咁把個煲放喺到 又唔寫咩牌子 咩都冇寫 邊到做 但係以前好多架喎 唔通依家冇人煲水嗎肥哥哥 你知唔知邊到有得買呢@@
回覆刪除水煲就黎入博物館喇，無法啦。我開左個Post呀，你睇睇。
回覆刪除哉哥, 咁之前個Lodge Dutch Oven 你仲有冇用 ?
回覆刪除喂喂 肥哥哥 我今日睇報紙 見到好似係唔係你呢個煲 比綠色各平試到d顏色有咩高出好多鉛呀 你睇下係唔係你呢d煲啊
回覆刪除有呀，不過唔係成日用。
回覆刪除