阿「加油加油」話響Sogo呀CitySuper呀都搵唔到水煲，係架，而家水煲已經逐漸被邊沿化喇。
現代家庭好多都轉左用電水壺。傳統明火水煲就黎絕種架喇。
我呢個4L水煲係響千色百貨買，不過後來發現買貴左。去普通既家居用品店搵下，二百元有找。
買可用於煲湯既水煲要注意以下各樣：
1) 千祈唔好買果種短嘴尿壺式半圓形煲，樣衰兼唔岩用。
2) 煲蓋一定要大，大到可以雙手都放得落煲裏面就最好。
3) 煲蓋本身唔會lock實，要單手都拎得起果種設計先好買。
4) 煲柄有特別安全設計，斟水時會頂實煲蓋，唔會鬆脫燙親手 (見圖中藍圈示意)。
5) 煲柄防熱膠部分要夠「高」(見圖中紅圈示意)，唔好買果D蠢才設計，個煲柄低到響煲邊等燒熔。
仲有要注意：
6) 買番黎試下佢會唔會響，我最初買果個(Eagle牌)唔識響，要去換個個(同款設計Kitchen Star牌)至會響。
7) 煲緊時如要揭蓋睇湯，要小心唔好太大動作，要向外揭，因為蒸氣好熱。
8) 煲湯時記得煲柄要垂直，膠把部分要遠離熱源。唔好橫放，否則膠把會超熱甚至變形。(呢個係以前用蠢才水煲煲水既經驗。)圖中咁放就係要拎起個蓋時先咁樣，煲緊水或湯時記得唔好咁樣
如果注意以上各點，就可以好開心煲水煲湯。我已經用呢個水煲煲過三煲湯喇！
我以前都係用呢款水煲, 係永安買, 用黎煲左湯之後, 再煲水會唔會有油 ?
回覆刪除唔唔唔 謝謝你呀 真係講得好清楚啊 真係唔該 不過我比較傳統 點都要想有一個水煲啊 我會記住你講既野 再去搵搵 因之前個水煲以用了14年啦 一定會壞啦 所以現在要買囉
回覆刪除午安！你都有好好的提示喎！等我得閒去睇下先得！
回覆刪除可能會架。我第一次係煲水，第二至四次都係煲湯。之後冇用黎煲過水。煲完湯徹底洗乾淨好重要。又或者乾脆淨係用黎煲湯。橫掂屋企都有電水壺。
回覆刪除一係買eagle牌，平少少。kitchen star款式相同，貴少少。
回覆刪除如果想試下用黎煲湯，最好買呢款。其實買個瓦藥煲都得，一樣可以自動隔渣。同煲藥原理一樣！
回覆刪除呀 你講得好岩啊 係喎 我買一個瓦藥煲煲湯一樣啦 哈哈哈哈 你真係好諗頭呀 因我有幾樣野都要買過啊 呵呵呵謝謝你既好提示啊
回覆刪除真係唔講粗口都唔哪得 剛剛搬回家發現好多野都唔掂 真係喊佐出嚟 好PK呀 錢就師傅價 做既人就唔係師傅做 好多野都唔得 仲係關付水既問題 唉 好哪PK
回覆刪除